Oct 28 2026

Fact Check: के तारा एयरको जहाज धकेलेर उडाउन खोजिएको थियो ?

दाबी समीक्षा

तारा एयरको जहाजलाई मानिसहरुले धक्का दिइरहेको भिडियो पोस्ट गरिएको छ । उक्त भिडियोमा लेखिएको छ- ‘हवाइजहाज धकेलेर चलाउने देशको मान्छे हुँ म, दुनियामा कतै छैन होला हौ यस्तो । स्टार्ट बन्द भएर ठेलेको रे, नेपाल हो नि । यो अहिलेको भिडियो होइन तर यो भिडियो लिक भएपछि तारा एयर खसेर सबै मान्छे मरेको थियो । यसको जिम्मेवार तारा कि सरकार ?’

Fact Check: के तारा एयरको जहाज धकेलेर उडाउन खोजिएको थियो ?

तथ्य

तारा एयरको जहाज धकेलेर उडाउन खोजिएको भन्ने दाबी भ्रामक छ । २०२१ डिसेम्बरमा बाजुराको कोल्टी विमानस्थलमा टायर पड्किएर धावनमार्गमा अलपत्र परेको हवाइजहाजलाई कर्मचारी र यात्रुले धकेलेर पन्छ्याएका थिए ।

RUJU Team

Kathmandu, Updated: Monday, July 22 2024

दाबी: ‘हवाइजहाज धकेलेर चलाउने देशको मान्छे हुँ म..स्टार्ट बन्द भएर ठेलेको रे..यो भिडियो लिक भएपछि तारा एयर खसेर सबै मान्छे मरेको थियो...।’

दाबी समीक्षा: तारा एयरको जहाजलाई मानिसहरुले धक्का दिइरहेको भिडियो पोस्ट गरिएको छ । उक्त भिडियोमा लेखिएको छ- ‘हवाइजहाज धकेलेर चलाउने देशको मान्छे हुँ म, दुनियामा कतै छैन होला हौ यस्तो । स्टार्ट बन्द भएर ठेलेको रे, नेपाल हो नि । यो अहिलेको भिडियो होइन तर यो भिडियो लिक भएपछि तारा एयर खसेर सबै मान्छे मरेको थियो । यसको जिम्मेवार तारा कि सरकार ?’

दाबी माध्यम/मिति/दाबीकर्ता: टिकटक, २०२४ जुलाई १७ (tiktok.com/@balensupporter101) । Balensupporter101 प्रयोगकर्ता ।

के हो वास्तविकता: तारा एयरको जहाज धकेलेर उडाउन खोजिएको भन्ने दाबी भ्रामक छ । २०२१ डिसेम्बरमा बाजुराको कोल्टी विमानस्थलमा टायर पड्किएर धावनमार्गमा अलपत्र परेको हवाइजहाजलाई कर्मचारी र यात्रुले धकेलेर पन्छ्याएका थिए ।

नतिजा: भ्रामक

तथ्यजाँच: धावनमार्गबाट हटाउन जहाजलाई धक्का लगाइएको थियो

भिडियोमा देखिएको तारा एयरको ९ एन एभीइको जहाज हो । यो दृश्य बाजुराको कोल्टी विमानस्थलसँग सम्बन्धि छ । मानिसहरुले जहाजलाई धकेलिरहेको भिडियो सहितको समाचार २०२१ डिसेम्बर २ मा टाइम्स अफ इन्डिया (timesofindia.indiatimes.com) ले पोस्ट गरेको देखिन्छ ।

अवतरण गर्ने क्रममा जहाजको पछाडिको टायर फुटेपछि जहाज धावनमार्गबाट बाहिर निस्कन नसकेको र धावनमार्ग खाली गर्न मानिसहरूले जहाज धकेल्नुपरेको जानकारी भिडियोमा दिइएको छ । यही समाचार रेडियो नेपालको वेबसाइट (onlineradionepal.gov.np) मा पनि प्रकाशित भएको छ ।

२०७८ मंसिर १६ गते प्रकाशित समाचारमा लेखिएको छ- ‘कोल्टी विमानस्थलमा यात्रु लिन गएको जहाज आकाशमा उडिरहेको थियो । यात्रु विमानस्थलमा जहाज आउन थालेपछि एयरपोर्टमा भरिन थाले तर कोल्टी विमानस्थलमा जहाज अवतरण गर्न सकिरहेको थिएन । जहाज अवतरण गर्न नसक्दा यात्रु आत्तिन थाले ।

विमानस्थल खाली हुँदा पनि जहाज अवतरण गर्न नसक्नुको के कारण हुन सक्छ भन्ने यात्रु एकापसमा कुरा गर्न थालेका थिए । त्यसैबेला एक जना यात्रुले विमानस्थलतिर हेर्दै भन्नुभयो- विमानस्थलको बीचमा त हवाईजहाज राखिएको छ । त्यो जहाज थियो तारा एयरलाइन्सको । सो जहाजको टायर पड्किएर धावनमार्गको बीचमा हुँदा अर्काे जहाज अवतरण गर्न सकेको थिएन ।

जहाज अवतरण गर्न नसकेर धावनमार्गमा रहेको तारा एयरको ९ एन एभीइको जहाजलाई यात्रुले धकेलेर सुरक्षित स्थानमा राखेपछि अर्को जहाज अवतरण भएको थियो ।’ तारा एयरको जहाजलाई मानिसहरुले धक्का लगाएको भिडियो साहितको सामग्री डेली मेल (dailymail.co.uk) ले पनि प्रकाशित गरेको छ ।

Work with Us

सत्यको खोजी र गलत सूचनाविरुद्धको संघर्षमा सहभागी हुन हामी तपाईंलाई हार्दिक निमन्त्रणा गर्दछौँ । विशेषगरी विद्यार्थी र युवाहरूसँग सहकार्य गर्न हामी अत्यन्त उत्साहित छौं ।

यो यात्रामा हामीसँग हातेमालो गर्न चाहनुहुन्छ भने, rujufactcheck@gmail.com मा सम्पर्क गर्नुहोस् । तपाईंको सहभागिताले सत्य र तथ्यमा आधारित समाज निर्माणमा महत्त्वपूर्ण योगदान पुर्‍याउनेछ । हामी तपाईंको सहयोग र सहभागितालाई उच्च महत्त्व दिन्छौं । तपाईंको प्रतिक्रिया र सुझावले हाम्रो सेवालाई अझ प्रभावकारी र विश्वसनीय बनाउन मद्दत गर्नेछ ।

We warmly invite you to join us in the fight against misinformation. We are especially eager to collaborate with students and young individuals.

If you’d like to join us on this journey, contact us at rujufactcheck@gmail.com. Your participation will play a vital role in building a society based on truth and facts. We value your support and involvement. Your feedback and suggestions will help us enhance our services.

Comments